Bigtime pusher sikop kapin P300-K shabu nakuha

17

Davao City – Dakpan ang taga-Cotabato City nga nibaligya’g shabu sa Davao sa join buy bust operation sa Purok 5 , Artiaga Street, Davao City sa pagpanguna sa Talomo Police Station, RSOG / RPDEU-XI, ala 1:45 sa hapon.

Nakuha gikan sa dinakpan nga si Aladin Laguiab Salegan, Alias “Tol”, 27 anyos , empleyado, taga-Purok 1, Brgy.Tumbras, Midsayap, Cotabato City, ang lima ka sachet sa shabu nga motimbang sa 19 gramos ug estimated street value P304,000.00, sulod sa Double R Pension House, Artiaga St., Davao City.


Sumala ni P/Col.Ronald Lao Talomo Police Station Chief of Police, anaa sa PNP Drug Watchlist si Salegan ug pasakaa’g kasong kalapasan sa RA 9165 (Dangerous Drugs Act of 2002).

RadyoMaN Paul Canono

Facebook Comments