Biker patay human nalatayan og wing van

83
Davao City – Dead on the spot ang usa ka biker human nalatayan og wing van sa highway sa Barangay Magdum, Tagum City, Davao del Norte, alas 7:30 sa buntag kagahapong adlawa (Mayo 19, 2022).

Sa interbyu sa DXDC RMN Davao kang Police Lieutenant Colonel (PLtCol.) Jay Dema-ala, Acting Chief of Police (ACOP) Tagum City Police Station, giila ang biktimang biker nga si Edwin Pacatang, 52 anyos, negosyante ug residente sa Purok Margarita Brgy. Mankilam Tagum City, Davao del Norte, samtang ang driver sa wing van mao si Roger Concha, 46 anyos, ug residente sa Siocon, Compostela, Davao de Oro.

Gisaysay ni Dema-ala nga parehong nagbiyahe ang duha ka sakyanan padulong sa downtown sa Tagum City, sa dihang nakaagi og lubak nga dalan ang biker hinungdan sa pagkatumba niini ug dinhi na kini nalatayan sa niagi nga wing van.

“Natumba lang talaga sya (ang biktima). Nagkaroon ng.. merong lubak at na-out balance sya, ‘yung bike kaya napunta sya sa gulong nung truck. Hindi na mahabol nung truck ‘yung pag-brake,” saysay ni Dema-ala.

Kasong Reckless Imprudence Resulting to Homicide ang atubangon sa driver sa wing van nga anaa sa kustodiya sa kapulisan.

Nagpahindumdom ang police official sa mga motorista ilabina sa mga bikers o naga-motor nga magpadaplin sa dalan ug siguradohong luwas ang karsada ugaling mutabok o mag-overtake. Samtang sa mga dagkong sakyanan, likayan ang pagpakusog sa dagan aron malikayan ang disgrasya.



RadyoMaN Kirby Manzon

Facebook Comments