Nahilandig sa balay tambalanan ang usa ka biktima human kini gidunggab didto sa brgy. Baybay, lungsod sa Liloy.
Naila ang biktima nga si Ronel Delantes, 22 anyos, ulitawo, molupyo sa Purok Sta. Cruz, sa maong brgy. Gituohan kining gi luba ni Rolly Oragon Otos, hingkod ang pangidaron, usa ka imbalsamador, residente sa Malangas, probinsya sa Sibugay.
Sa gihimong imbistigasyon, nasayran nga ang biktima ug ang suspek nag inom kini samtang gadula ug baraha sulod sa kwarto sa Villa Babas Funeral Home, sa walay igong hinungdan kalit lang nga giluba sa suspek ang biktima sa makadaghan nga higayon ginamit ang Icepick.
Naka angkon gilayon ug samad dinunggaban ang biktima sa nagkada-iyang parte sa iyangt kalawasan, hinungdan nga dali kining gidala sa balay tambalanan didto sa Liloy Integrated Health District Hospital alang sa hinanaling medikasyon.
Human sa panghitabo ang suspek dali nga miikyas sa wala masayring direksyon, samtang ang kapulisan sa Liloy padayon pa ang ilang gihimong imbistigasyon kung unsay nagpaluyong motibo sa maong pagpangluba.
