BACOLOD CITY – Nabiktima sang hit and run kag nag-landing sa ospital ang isa ka senior citizen kagab-i sa Brgy. Singcang Airport, Bacolod City.
Nakilala ang biktima nga si Godofredo Dawa, 72 anyos, residente sang Calong-calong, Singcang Airport, ciudad sang Bacolod.
Suno sa biktima nga may mga las 9:40 kagab-i ini siya ang nagatindog sa kilid sang dalan sa atubang sang isa ka gasoline station sa area sang Magsaysay sang ini ang nadalasa sang isa ka motorsiklo.
Bangud sini, nag-angkon sang posible nga fracture sa iya wala nga tiil ang biktima subong man nagpalanakit ang iya kalawasan.
Sa karon padayon ginabulong sa Corazon Locsin Montelibano Memorial Regional hospital ang amo nga biktima./dyHB BACOLOD
Facebook Comments
