Biktimang napusilan sa bandido-padayon pang nagpaalim sa ospital

General Santos City–Padayon pang nagpaalim sa iyang samad pinusilan ang biktimang si Glupalco Clubao, 53 anyos, residenti sa Sitio Bandi, Barangay Kinam, Malapatan, Sarangani Province human kining gipusil sa miyembro sa mga Bandido samtang siya naligo sa sapa didto sa ilang lugar alas 7:00 ang takna sa buntag niadtong adlawng Domingo.

Matud sa biktima, samtang siya naligo kalit lang kining gipusil sa upat ka mga suspek dayon sibat sa lugar. Samtang gitabangan usab sa iyang mga kabanay ang biktima nga madala sa Ospital apan tungod sa kalayo, kagabie ra kini nakaabot sa Dr. Jorge Royeca Hospital.

Dugang pa sa biktima nga kanunay silang ginahasi sa mga bandido sa ilang lugar gani ginapanguha matud pa ang ilang mga kahayupan. Gawas sa mga hayop ginakawat usab sa mga suspetsado ang ilang mga tanum sa umahan.


Facebook Comments