Billion annual budget giduso sa konseho

21

Davao City – Mulagapak og dul-an P9 billlion nga pondo sa siyudad sa Dabaw alang sunod tuig ang giduso karon ni Davao City 2nd District Councilor Danilo Dayanghirang sa hawanan sa konseho.

Mas taas kini itandi sa 7.6 bilyones ka pesos nga pondo sa miaging tuig ug mas usbaw og 4.3 bilyones ka pesos gikan tuig 2013 hangtud 2017 kun dunay 12 hangtud 14 porsento pagtaas.

Ang paglobo sa budget sa dakbayan resulta matud pa sa pagdagsa sa dagkong mga investors dinhi sa siyudad sukad nahimong pangulo sa nasud si Presidente Rodrigo Duterte, pagpasabot sa konsehal.

Dugang ni Dayanghirang nga dunay dakong posibilidad nga makalayat ngadto sa 12 bilyones ka pesos nga pondo ang siyudad inig human sa termino ni Mayor Inday Sara Duterte-Carpio sa 2022.

Sa karon, dili pa madetalye sa Konsehal kung asa mapadulong ang dakong bahin sa pundo ug mahibaloan unya kini sa mga committee hearing ug pagdungog sa mga pagbasa sa hawanan sa konseho.

RadyoMaN Joel Viray

Facebook Comments