Kalibo, Aklan – Patay rong sangka binatilyo matapos nga mabaywan kaina it aga-aga sa sangka party sa Brgy. Old Buswang, Kalibo, Aklan.
Ro biktima nakilaea nga si Jan Andrey Icagoy, 22-anyos ag residente it Barangay Tigayon, Kalibo, Aklan.
Suno sa nobya it biktima nga nag adto sanda sa baylihan sa nasambit nga lugar ag pagkatapos it bayle nag guwa sanda sa karsada para eon kunta mag uli ag gulpi raya nga binayo nga inigo sa waea nga parte it uyahon.
Natumba ro biktima ag nalipong ag nabuhayan pa ngani madaea sa hospital bangud nga sa pagpati nga nalipong eamang samtang rong suspek hay madasig nga pumaeagyo matapos rong insidente nga hasta sa makaron uwa pa makilaea.
Matapos nga madaea ro biktima sa hospital ginbawian man raya it kabuhi mga bandang alas 2:40 kaina it aga-aga.
Samtang, nasayuran ko ulihi nga may masakit man eagi ro biktima nga Tetralogy of Fallot ukon inborn heart disease nga posebli raya rong rason it anang kamatayon.
Plano man it pamilya ko biktima nga ipaidaeom sa autopsy examination ro bangkay para masayuran kon ano pagid ro ibang rason ko anang pagkamatay.
Sa makaron hay padayon pa rong imbestigasyon it mga kapulisan para mataw an it hustisya ko kamatayon ni Icagoy ag ro posibilidad nga pagkadakop it suspek.
