Biyahe sa mga RTMI bus sa Mindanao, nagpabiling normal

52
PC: RadyoMaN Joana Ricote

Nagpabiling normal ang operasyon sa RTMI luyo sa nahitabong panagbangi sa manag suong Yanson.

Ang Rural Transit Mindanao Inc., gidumala sa inahan sa mga Yanson nga mao si Maam Olivia V. Yanson, 85 anyos, kung asa ang kasamtangan nga president ug CEO mao ang iyang kamanghoran nga anak nga mao si Leo Rey Yanson.


Apan didto sa ilang head office nga nahimutang sa Bacolod City, pwersahang gi take over sa iyang kamagulangang anak nga mao si Ricardo Yanson Jr., uban ang tulo ka mga igsuon nga mao silang Roy Yanson, Emily Yanson ug Ma. Lourdes Celina Y. Lopez ang ilang buhatan.

Hinungdan nga ang mag inahan ang nag opisina na lamang ngadto sa ilang panimalay, kung asa didto gipahigayon ang tanang transakyon sa RTMI.

Tungod niini nagpadayag og manifesto ang Mindanao Alliance of Land Transport and General Workers Union kon MALTU, nga gipirmahan nila Jose Ares, Founder ug Administrator sa MALTU, Limuel Oliverio, president sa MALTU, Arlan Macasa, ang MALTU-BEI-Davao, Edgar Allan Aquino, MALTU-BEI-Butuan, ug Gery Jamotillo, MALTU-MSBTI, kinsa ilang gisuportaan ang liderato sa inahan sa mga Yanson ingon man sa ilang Presidente nga si Leo Rey Yanson.

Hugot ang ilang suporta tungod sa maayong pag atiman nga gipakita sa ilang CEO ug Presidente nga mao si Leo Rey Yanson.

Namatikdan nga ang mga buhatan sa RTMI ingon man mga terminal kung asa nag terminal ang mga bus nga iya sa RTMI, dunay mga gipa plastar nga tarpaulin nga nagbutang nga We love and Support Maam OVY and Presidente LRY.

Ang mga bus sa RTMI, nag biyahean padulong sa Ozamiz City, Pagadian, Iligan City, Oroqueta, Cagayan de Oro, Bukidnon, Davao ug uban pang bahin sa Mindanao.

Facebook Comments

From Advertisers