Biyahe sa Yellow Bus,subling gisuspende

28

South Cotabato—Subling gisuspende sa Yellow Bus Lines Incorporated (YBLI) ang ilang byahe sa South Cotabato.

Sa advisory nga gi-post sa YBLI sa ilang Facebook Page, sugod kagahapong adlawa Mayo 22, 2020, subli nilang gisuspende ang ilang byahe.


Tumong niini aron nga maproteksyonan ang ilang mga empleyado ug pasahero dungan sa padayon nga bahad sa coronavirus disease o Covid-19.

Nasayran nga bag-uhay lamang gibalik ang operasyon sa YBLI human nga ilang giundang niadtong gipailawom ang Region 12 ug kasikbit nga rehiyon sa Enhanced Community Quarantine , apan dihang may nagpositibo na usab sa virus sa South Cotabato subli nilang gisuspende ang ilang operasyon.

Gibutyag ni Boy Par ang operation manager sa YBLI nga ila nalang huwaton ang ipagawas nga Executive Order ni South Cotabato Governor Reynaldo Tamayo Jr. sa Mayo 30 kansa maoy ilang basihan kung ibalik na nila ang ilang operasyon.

Facebook Comments