BJMP-Davao: LGBT inmates gibalhin og pasilidad alang sa ilang safety

Davao City – Hinay-hinay na nga gibalhin gikan sa Davao City Jail ngadto sa City Jail Annex ang mga lesbian, gay, bisexual, and transgenders (LGBTs) nga mga Person Deprived of Liberty (PDL).

Sa interbyu sa DXDC RMN Davao kang Jail Senior Inspector Ellen Rose Saragena, Bureau of Jail Management and Penology (BJMP) Davao – Community Relations Section chief, gibutyag niini nga adunay mga lalaking PDLs nga nakipagrelasyon sa LGBT nga inmates.

Segun ni Saragena nga kini ang rason kung nganong ibalhin ang maong mga indibidwal sa annex aron malikayan nga sila maabuso sa mga lalaki ug malikayan ang sakit o pagkatag sa human immunodeficiency virus (HIV).

Sa pagkakaron, adunay ginaatiman ang BJMP-Davao nga mga inmate nga nagbaton sa maong balatian diin ilaha usab kining ginahatagan og sakto ug igong medikasyon.

“Naa gyud ‘tay ginatawag nato og HIV screening. It’s a periodic na man po sa tanang PDL. So far, naa ‘tay ongoing treatment karon 12 kabuok lang nuon pud. Pero kana sila tanan gitagaan gyud na sila’g special care. Naa napud na sila tanan sa annex,” sulti sa BJMP official.

RadyoMaN Kirby Manzon

Facebook Comments