BJMP- Pototan, Iloilo, imbestigahan bangud sa baligya-anay sang iligal nga druga

Iloilo City-   Ginpasalig ni Jail Supt. Gilbert Peremne nga imbestigahan sang Bureau of Jail Management and Penology (BJMP) Regional Office 6 ang alegasyon sang negosyo sang iligal nga druga nga nagaluntad sa sulod sang prisohan.
      
Suno kay Peremne, luyag nila hibalu-on ang kamatu-oran sang ginapahayag sang mga suspek nga amo sanday Geraldine Publico 34 anyos, cashier sang kooperatiba sa BJMP- Nanga, Pototan kag sang live-in partner sini nga si Carlo Gonzalo, 33 anyos kag lunsay pumuluyo sang brgy. Nanga, Pototan nga ara sa sulod halin ang mandu sang baligya-anay sang iligal nga druga.              
 
Kaangut sini, ila imbestigahan si BJMP- Nanga, Pototan, Iloilo warden Jail Sr. Inspector Abner Zamora.
 
Limitahan man ang kwarta sang tanan nga mga inmates sa P100 lamang sa diin ang sobra ang kumpiskaron kag ihatag balik sa ila pamilya.
 
Nahibalu-an nga ginasulod sa habon ang pakete sang shabu kag ginapasulod sa BJMP sang maglive-in nga nagatrabaho sa kooperatiba sa diin natigayon nga madakpan sang Myerkules sang gab-i pinaagi sa search warrant nga ginserbe sang Pototan PNP.


Facebook Comments