BJMP-XI: Dugang 25 ka piniriso, 3 personnel positibo sa COVID-19

Davao City – Miabot na sa 68 ka mga piniriso ug walo (8) ka mga personahe sa Davao City Jail – Male Dormitory ang nagpositibo sa Coronavirus Disease 2019 (COVID-19).

Matud sa Bureau of Jail Management and Penology (BJMP) nga kini human nga nadugangan pa og 25 ka mga piniriso kun Persons Deprived of Liberty (PDL) ug adunay tulo (3) ka mga pesonahe sa Davao City Jail ang nagpositibo sa COVID-19.

Ang maong mga kaso nadugang niadtong Nobyembre 28, 2020 diin matud sa Department of Health (DOH) nga kini resulta sa gihimo’ng mass testing niadtong Nobyembre 23, 2020.


Nasayran nga kadaghanan nga nagpositibo nga piniriso walay simtomas sa virus kun asymptomatic.

Sa pagkakaron, anaa na sa isolation facilities ang mga pasyente samtang nagpabiling naka-quarantine ang mga close contact sa mga pasyente nga nag negatibo na sa balatian.

RadyoMaN Kirby Manzon

Facebook Comments