BJMP-XI: Sunod-sunod nga pagpalusot og droga gisuta ang koneksyon

34

Davao City – Mokabat sa P432, 000 nga shabu ang gisulay og palusot sa Davao City Jail nga nasakmit sa mga awtoridad sa sunod-sunod nga insidente.

Sa interbyu sa DXDC RMN Davao kang Bureau of Jail Management and Penology (BJMP-XI) spokesperson Jail Insp. Edo Lobenia, istrikto ug gihugtan pa nila ang pag-inspeksyon sa mga kagamitan ug pagkaong ginapadala alang sa mga Person’s Deprived of Liberty (PDLs).

Giimbestigasyon sa BJMP XI ang duha ka insidente, ang source sa maong mga drogang gisulay og palusot. Niadtong Lunes, nakaplagan sa Purok 25-B, People’s Village, Ma-a, Davao City duol sa Davao City Jail ang usa ka drone nga gibutngan og gituohang shabu.


Sumala ni Lobenia, tungod sa report sa usa ka kagawad sa Talomo Police Station malampusong nakuha ang drone nga adunay gidikit nga anaa sa 25 gramos nga shabu nga adunay estimated street value nga P400,000.

Samtang, arestado ang usa ka indibiwal nga mibisita sa Davao City Jail-Annex human nakuhaan og gituohang shabu nga gisok-sok sa chicken-pork adobo nga nagkantidad og P32, 000.

RadyoMaN Aimee Guinita



Facebook Comments