Board Member Sambog liwat nga nabutang nga IPMR sang South Cotabato.

26

Liwat nga ginbutang bilang Provincial Indigenous Peoples Mandatory Representative sang South Cotabato si Board Member Edgar Sambog matapos nga majority sang mga katribo sini halin sa mga nagkalain-lain nga banwa dire sa probinsya ang nagboto pabor sa iya sa ginpatigayon nga selection process sa pihak nga nangin tensyonado.
Nahibaluan nga nakakuha sang 88 ka boto si Sambog sa kontra sini nga sanday Rogelio Alberto sang banwa sang Banga nga may 30 ka boto kag ginasundan ni Juanito Cabel sang Koronadal City nga may isa ka boto.
May-angot sini, hugot ang pagpasalamat ni Sambog sa mga katribo kag tungod sa ginhatag sang suporta sang mga ini sa iya ginpasalig niya nga doblehon pa gid ang performance kag indi pagpahuy-an ang tribo.
Gin-ako man ni Board Member Sambog nga naglain ang iya nga buot nga mismo ang iya nga banwa sang Tupi ang wala nag-endorso tungod una bes wala siya nangampanya sa mga barangay tungod indi niya luyag nga maipit ang mga IPS kag IPMR sa isyu politika sa munisipyo.

Facebook Comments