Un bodega de copra y un casa el sale quemao durante el quema na Sangali enantes medio dia.
El incidente ya sosede na centro mismo del Sangali donde el bodega ta dueƱa si Bebot Go ta arquila un porcion si Kagawad Expedito Aizon el mismo casa di Go pilit na bodega el yan uput.
Asegun na informacion, na casa ya prinsipia el fuego y yan calayat este hasta na bodega que tiene maga tambac copras.
El truck de agua del un companiya el fescada amo el primero ya responde na lugar y ya sigui ya el maga truck del bumbero del differentes estacion.
Ala 1:10 del tarde totalmente ya puede controla con el fuego.
El maga imbestigador del bumbero ta continua pa imbestiga para sabe si cosa gat el causa del quema y cuanto el destroso.
Facebook Comments
