Body cam makatabang sa mga police kung dunay magreklamo batok sa ilang operasyon

169

Davao City- Makabatang ang body cam sa mga pulis nga magpahigayon og operasyon aron malikayan ang giingong extra judicial killings batok gidiling droga.

Sumala ni Philippine Drug Enforcement Agency (PDEA-XI) Director Adzhar Albani, makatabang sab kini kanila sa higayong pasakaan sila og kaso ug kung dunay magreklamo kanila apan ang problema lang kung duna bay budget alang niini.

Hinuon iyang giklaro nga lehitimo tanan ang ilang gihimong operasyon ug walay natigayong extra judicial killings apan mag-agad usab kini sa mando sa Commander in chief nga mao ang Presidente.


Gipasabot usab ni Albani dili malikayan nga dunay mamatay sa operasyon tungod kay giyera kini batok droga ilabina kung mosukol ang mga target ug mas tinud-anay ang kampanya ni Presidente Rodrigo Duterte dili susama sa mga nakalabay’ng administrasyon. Giklaro usab ni Albani nga dili assurance ang body cam sa giingong transparency tungod kay dili tanang anggulo makuha sa camera sa matag operasyon.

Kasamang Bernard Pantallon

Facebook Comments