San Enrique, Iloilo – Ginluthang sang duha ka wala makilal-an nga mga suspek sakay sa motorsiklo si Raul Provido , 56 anyos , bolante sang isda, kag residente sang San Roque St., Passi City alas 7:00 kagab-i.
Basa sa imbestigasyon, halin sa banwa sang San Enrique padulong sa Passi City ang biktima sakay sa tricycle nga ginamaneho sang iya anak nga si Raymund Provido.
Pag-abot sa Brgy. Imbang Pequeno, San Enrique, nag-overtake ang motorsiklo nga ginsakayan sang mga suspek kag ginluthang ang biktima kag na-igo sa wala nga bahin sang iya lawas.
Gilyon nagpalagyo ang mga suspek padulong sa Passi City samtang gindala sa hospital ang biktima para sa nagakaigo nga pagbulong.
Padayon pa nga gina-pangita sang kapulisan ang mga suspek kag ginahibalo ang motibo sang insidente.
(photo from web)
