Aron mapalambo pa ang kapabilidad sa kapolisan ug uban pang mga responders gilusad karong adlawa ang “bomb explosion” simulation exercise sa Mandaue City Hall building .
Ang drill gihimo sa Mandaue City Police Office ,SOCO, Bureau of Fire Protection, Emergency Rescue Unit Foundation, Local Disaster Risk Reduction and Management Office , ug ang Traffic Enforcement Agency of Mandaue (TEAM).
Matud ni MCPO Chief, Sr. Supt. Julian Entoma usa ka eksena sa bomb explosion nga niresulta sa casualty og injury ang ilang gipakita sa City Hall building.
Gihulagway niini nga sa natad sa koordinasyon sa pagrescue ,kompleto ug kahimanan ang mga responders ug adunay igong kapabilidad sa pagduma sa mga biktima sa susama niini nga insidente .
Apan sa habig sa MCPO giangkon ni Entoma ang kakuwangan pa nila alang sa post blast investigation, nga maoy tutukan usab sa PNP .
Ang sunod nga simulation exercise nga mopakita na ug insidente sa robbery ilang himoon sa sunod buwan human sa kalag-kalag .
