Bomber nga napatay sa Tacurong City, suspek sa Jolo Sulo Cathedral Bombing

69

General Santos City–Padayon pang ginaberipika karon sa kapulisan og military pinaagi sa ginahimong makuting imbestigasyon ang personal background sa suspek nga si Abdul Rasid Lamalan, 39 anyos, minyu nga napatay sa checkpoint sa Tacurong City, Sultan Kudarat niadtong milabayng adlaw.

Sumala kang Police Col. Noel Kinazo, Provincial Director sa Sultan Kudarat Provincial Police Office nga ilaha pa karong ginasuta ang kalambigitan niini sa nahimong Jolo Cathedral Bombing.

Sa karon, nakig-alayon na matud pa sila sa ubang intelegence unit sa kapulisan ug militar kabahin niini. Samtang, gibutyag ni col. Kinazo nga sa karon nagpabiling malinawon ang tibuok probinsya sa Isulan, Sultan Kudarat apan ginapahugtan nila ang pagbantay sa siguridad.


Saysay niya nga ilaha usab mas gipakusgan ang police visibility sa probinsya hilabina sa mga pampublikong lugar aron nga masigurong dili na malutsan pa.(LVR)

Facebook Comments