Bombero nga giilang High Value Target sa PDEA Region 10, nasikop sa Misamis Oriental

Nasikop sa kapulisan ang usa ka bombero nga giilang high value target sa Philippine Drug Enforecment Agency o PDEA Region 10.

Kini mao ang 28 anyos nga si Charlex Khem Tabamo, ulitawo ug taga Barangay Patag, ning syudad sa Cagayan de Oro.

Giangkon ni Tabamo nga empleyado siya sa Bureau of Fire Protection sa Cogon ning syudad ug nigamit usab siya sa ginadiling druga.


Nakuha gikan sa maong bombero ang shabu, buy bust money ug drug paraphernalia.

Nasikop ang suspek kagahapon mga alas 12:30 sa tungang gabie sa Zone 2, Taboc, Opol, Misamis Oriental.

Nasikop si Tabamo pinaagi sa joint operation sa PDEA Region 10, Provincial Drug Enforcement Unit ug Opol Municipal Police Station.
PC: RadyoMaN Jao Gumapac

Facebook Comments