Boracay accredited establishments, nag abot eon 200

Kalibo, Aklan – Kaunod it uman nga pag-abo it mga turista sa Boracay, Island, nag-abot eon sa kapin 200 rong numero it mga accredited nga establishemento sa isla.
Sa pinakahuling datos it Department of Tourism (DOT) 9,248 rooms halin sa 243 accredited establishments rong nataw-an nanda it permit para mag-operate.
Ro nasambit nga mga hotel ngara hay ro mga nakasunod it andang mga requirements para pahinugutan nga magbaton it mga turista.
Padumdom it DOT sa mga baskasyunista, dapat aprubado it Department of Environment and Natural Resources (DENR) ag Department of Interior and Local Government (DILG) rong sangka establishemento bago sanda mag-check in.
Sa pihak kara ginsiguro it ahensya nga hasta 6, 405 eamang rong tourist arrivals kada adlaw para indi uman nga mababoy o masalaula rong sambilog sa pinakamanami nga isla sa bilog nga kalibutan.

Facebook Comments