Border checkpoints magapabilin sa idalum sang MGCQ sa Negros Occ.

Magapabilin ang border checkpoints apisar nga ipaidalom na ang probinsiya sa Modified General Community Quarantine (MGCQ) sumugod sa Hunyo 1, 2020.

Suno kay Negros Occidental Police Provincial Office (NOCPPO) director Police Colonel Romeo Baleros, modified checkpoints naman ang matabo sa diin indi tuman ka istrikto ang border control apang padayon sa gihapon ang thermal scanning, mandatory ang pagsuksok sang face masks, siguruhon ang physical distancing kag ipatuman sa gihapon ang curfew.

Sa pihak nga bahin, nagapanugyan si Col. Baleros sa mga returning OFWs nga mag-cooperate sa mga quarantine protocols nga ginapatuman sang provincial government. Ini ang kasunod sang insidente nagligad nga May 26, sa diin may 30 ka returning OFWs nga wala nag-upod sa Healing Center sa EB Magalona kag sila ang nagtulog sa Bacolod Silay Airport.


Panugyan ni Baleros, dapat indi na magpakatig-a ang mga OFWs, agud indi na sila paggamitan sang pwersa sang pulis kag dal-on sila sa mga Healing Centers ukon sila ang arestuhon.

[image: image.png]

Facebook Comments