Border control, hugot nga ginabantayan sa boundary sang Dumarao, Capiz kag Passi, Iloilo

Dumarao, Capiz – Ginapatuman subong sang mga otoridad ang mas ginhugot nga pagbantay sa border control nga nahamtang sa boundary sang Dumarao, Capiz kag Passi Iloilo.
Ginpahayag ni Police Captain Larnel Frial sang Dumarao PNP, ginapangitaan nila sang IDs ang mga persona nga luyag makatabok sa border, ginapaidalom sa thermal scanning samtang ang mga APOR ukon Authorized Persons Outside Residence ang dapat may yara sang ipresentar nga medical certificate.
Samtang sa cargo, ginapangitaan sang ID ang mga persona nga sakay kag ginakuhaan sang thermal temperature.
Hugot naman nga ginpahanumdom ni Frial sa mga persona nga wala sang nagakaigo nga dokumento kag requirements nga mas makapaayo nga indi na lamang maglakat.
Kaupod sang kapulisan nga nagabantay sa provincial border ang mga katapos sang BFP, AFP, PDRRMO/MDRRMO.

Facebook Comments