BORDER SA SOUTH COTABATO, GI-ABLIHAN NA HUMAN SUBLING GIPA-ILALOM SA EXTENDED MGCQ ANG PROBINSYA

16

South Cotabato–Abli na ang Provincial Border sa South Cotabato human ang laing extention sa Modified General Community Quarantine sa probinsya.

Sumala kang South Cotabato Governor Reynaldo Tamayo Jr., siya nagtuo nga walay dapat kabalak-an higayon nga mag-abli ang border sa Probinsya gumikan walay natalang mga local transmission sa kasikbit nga mga lugar.


Sa karon matud pa ang ilahang ginalikayan mao ang pagsulod sa mga gikan sa gawas sa Rehiyon 12 apan kini matud pa ang magadepende na sa pagbantay sa Regional Border.

Dugang pamahayag ni Gov. Tamayo nga pwede ng musulod sa probinsya sa South Cotabato ang gikan sa mga kasikbit nga lugar sama sa Sarangani, Gensan, Sultan Kudarat.

Apan siya nabalaka nga posibleng mohuyang ang seguridad nga ginapatuman sa mga regional border ug dili malikayan nga adunay makasulod.

Tungod niini, siya nanawagan sa katawhan nga kung adunay kaila nga musulod ug Rehiyon 12 nga gikan sa mga high risk area o sa mga lugar nga adunay local transmission gilayon kining ipahibalo sa otoridad aron nga ma-aksyunan.

Samtang sa hisgutanang Locally Stranded Individual kon LSI ug ROF, giklaro ni Gov. Tamayo nga dili pwede nga dili tugutan nga sila maka-uli.




Kini gumikan sa pagsugod palang sa hatid-probinsya program, gisaad na niya nga tanang mga taga South Cotabato ang papaulion sa probinsya gumikan mas mahatagan matud pa sila ug pagtagad.

Nauna na usab nga gibutyag sa DOH nga ilahang subli nga i-monitor ang Region 12 gumikan hangtud sa karon wala pay natala nga local transmission.(LVR)

Facebook Comments