Dali nga mitaho ang usa ka concern citizen, sa kapulisan sa dakbayan sa Dapitan, tungod sa ka kagubot, didto sa Purok Parpagayo, Brgy. Ilaya, Dapitan City.
Ang pwersa sa kapulisan sa Dapitan dali nga mi responde sa lugar nga nahitaboan, ug didto ilang naabtan ang suspek nga si Vincent Roben Bagor Boromeo, 27, samtang ang biktima naila nga si Jose Elcamel Tumapon, 32, ang duruha residente sa susamang dapit.
Matod pa, ang suspek ug ang biktima ang nag inom kini sa panimalay ni Nonon Suarez. Human sa pipila ka mga gutlo, nagkasumpaki kini sila ug didto mikuha ang suspek nga si Vincent ug botelya dayong hampak sa ulo sa biktima.
Nakaangkon ang biktima ug bun-og sa iyang ulo, dali usab kining gidala sa balay tambalanan, samtang ang suspek, himas rehas na sa balay bilangguan.
*imahe presentasyon lamang
