Boxing coach positibong makuha sa Davaoeña boxer ang Olympics gold medal

99

Davao City – Dako ang pagtuo sa usa ka Boxing coach nga makadala usab ang Davaoeña ug Pinay boxer nga si Nesthy Petecio og bulawang medalya alang sa Pilipinas gikan sa 2020 Tokyo Olympics.

Sa interbyu sa DXDC RMN Davao kang Boxing coach Rey Lariosa, gisaysay niini nga nag-apil kaniadto si Nesthy og boxing competition sa Araw ng Davao diin midaug kini kontra kang Randy Petalcorin, boxer usab ni Lariosa nga nahimong Interim WBA (World Boxing Association) World Light-flyweight Champion.


Matud ni Lariosa, ang amahan ni Nesthy nga si Teodoro Petecio maoy nag-train sa iyang anak nga usa usab ka gold medalist sa boxing.

Mibilib ang boxing coach sa performance ni Petecio human niini gipildi si Arian Castaneda sa Colombia, 5-0 sa Featherweight quarterfinals ug gilaumang modaug pa kini sa umaabot pa niyang away.

“(Naglaum ko) nga makuha gyud niya ang gold (medal) ikaduha siya ni (Hidilyn) Diaz kay akong nakita man gud nga kadtong away niya atong miaging adlaw, kadtong Chinese Taipei, number ‘to siya sa Olympic, napildi niya,” segun ni Lariosa.

Karong adlaw’ng Sabado (July 31, 2021) makigharong ang pinay boxer kontra Italy ug siguradong makaangkon na usab kini og Olympics medal ug anaa pay tsansa nga makakuha og gold medal.



RadyoMaN Kirby Manzon

Facebook Comments