BREAKING: ABC President, ‘himala’ nga nakasurvive ha ambush

TACLOBAN CITY – Gin-ambush an ABC President han Albuera, Leyte kanina han alas 8:20 han aga, February 18, 2019.

Subay han report tikang ha Philippine National Police (PNP) ha Albuera, ginkilala an biktima nga hi Alberto Casia Sumaljag, 60 anyos, may asawa, residente ha Brgy. Benolho, Albuera, Leyte.

Ha inisyal nga imbistigasyon, sakay han iya sarakyan an biktima tipakadto ha Municipal Hall para umatinder hin session han tigda nga may nagpaharurot nga color gray nga sarakyan (sedan type) ngan ginpa-uranan han bala hin pusil an iya kotse han biktima.


Waray naman kaigo an biktima.

Samtang, unidentified an plate number han sarakyan nga gin gamit han mga suspek.

Nagdudumara na hin hot pursuit operation an mga otoridad.

Facebook Comments