Kumpirmado na jauy duha ka mga pulis na sakop sa Placer Municipal Station an tagdagit sa tagtuhoan na mga sakop sa NPA kagaina ala una y media sa hapon. Sa nakuha na impormasyon nan RMN na nagpatuo o nagpakaron-ingnon an mga nagdagit na miembro nan CIDG sanan nagsakay nan van na puti , dajon gipasakay an duha ka pulis sa sakyanan . Hangtud kuman padajon an paggukod sa mga sakop sa otoridad sa posible na tag-agian nan pag ikyas sa mga suspetsado iban an duha ka nadagit na pulis labina kay inkit an kuman an van na tag abandona sa isa ka lugar. Waya pa isab hinganli nan mga otoridad an pangayan nan duha ka pulis na nakidnap nan tagtuhoang rebelde. (RadyoMaN jerson Fuentes)
Facebook Comments
