Brgy. Kapitan ha Samar, patay ha anti-illegal drug operations han mga kapulisan

Patay an Barangay Kapitan ha gindumara nga anti-illegal drug operations ha Brgy. Guindapunan ha San Jorge ha Samar.
Sumala han Regional Drug Enforcement Unit (RDEU) High Value Target number 2 ha Probinsya han Samar hi Brgy. Chairman Louie NENING Bolledo, may asawa, residente ngan Brgy. Kapitan ha Brgy. Bulao San Jorge Samar.
Durante han gindumara nga buy bust operation, nakapalit an Poseur buyer han PNP hin gin aaligar illegal nga droga kan kapitan. Dida han makit-an han operatiba nga positibo nga nagbabaligya han droga an suspek, makiwa na unta hira pag aresto kan kapitan pero nakaabat ini han presensya han mga kapulisan.
Sumala kan PSSupt. Nicholas Torre, PNP Provincial Director, umato ngan bumunot hin .45 calibre nga pusil hi kapitan ngan nagpabuto ini ha mga operatiba pero dida han pagpabuto han mga kapulisan naigo hi Kapitan Bolledo rason han iya dayon pagkamatay.
Naricover ha crime scene an mga bala han M16 ngan calibre .45 ngan 3 ngan gin aaligar illegal nga droga.
Samtang, dismayado naman an pamilya ni Kapitan Bolledo han naging operasyon han mga kapulisan, ha facebook post han pamilya hini waray daw umato hi kapitan ngan tigda nala daw ini ginpusil han mga operatiba.
Hi kapitan Bolledo an ika-83 nga High Value Target nga napatay han mga kapulisan durante han anti-illegal drugs operation tikang dida han Enero yana nga tuig.

Facebook Comments