Brgy. Leon Garcia: 12 ka indibidwal positibo sa COVID-19, 1 patay

34

Davao City – Gibutang na sa isolation facility ang 12 ka mga indibidwal nga taga Brgy. Leon Garcia, Agdao ning syudad human nagpositibo sa COVID-19.

Sa pakighinabi sa DXDC RMN Davao kang Kapitan Lita Empis, sulti niini nga gipailawom na usab sa lockdown ang mga balay sa nagpositibo.


Dugang niini, usa usab ka tigulang sa ilang lugar ang nakabsan sa kinabuhi gumikan sa COVID-19.

Matud ni Empis, ila pang gi-imbestigahan kung asa nila nakuha ang virus.

Tungod niini, nagpahimangno si Empis sa tanang lumolupyo sa iyang Barangay nga motuman sa health protocols sama sa social distancing, pagsuot sa face mask ug face shield.

Kahinumduman nga ang Barangay Leon Garcia naapil sa lima ka Barangay sa Very High Risk Areas sa COVID-19 sa Davao City.




RadyoMaN Don Pulayao

Facebook Comments