Brgy. Sibulan rape-slay suspek na-ilhan na sa kapulisan

Davao City – Nailhan na sa kapulisan ang suspek sa brutal nga paglugos patay sa 12 anyos nga grade 7 sa Barangay Sibulan, Toril, syudad sa Davao.

Gibutyag ni Police Major Catherine Dela Rey, adunay mga gihawirang saksi ang kapulisan nga nagtudlo sa maong wala pa nganli nga suspek sa krimen.

Matud ni Dela Rey, kasong Homicide with Rape ang ipasaka sa Davao City Prosecutor’s Office pinaagi sa regular filing batok sa suspek.

Samtang, P50,000 nga reward money ang ihatag ni Brgy. Sibulan Kapitan Christine Abalayan ngadto sa makatudlo o makahatag og inpormasyon sa suspek sa mangilngig nga krimen sa ilang Barangay.

Sa autopsy result sa Regional Crime Laboratory Office (RCLO) XI, positibong gilugos ang 12 anyos nga grade 7 nga napalgang walay nay kinabuhi sa creek sa nasangpit nga Barangay niadtong buntag sa Domingo, Disyembre 4, 2022.

Nigula usab sa report nga asphyxia by manual strangulation and suffocation ang gikamatay sa biktima. Ang mga bun-og sa nagkadaiyang parte sa lawas, gasgas, bali nga bat-ang ug tiil sa biktima tima-ilhang naningkamot sa pagsukol ug pagdepensa sa iyang kaugalingon.



RadyoMaN Aimee Guinita

Facebook Comments