Brigada ug balik eskwela, gipangandaman sa PNP Bukidnon

42

Giklaro sa Bukidnon Provincial Police Office nga pabilin silang alerto bisan ug nahuman na ang barangay ug Sanguniang Kabataan eleksiyon.

Nasayran nga sa May 21 pa mahuman ang election period.

Sa interview sa RMN Malaybalay ngadto kang PSI Jisell Longakit, ang spokesperson sa PNP Provincial Command gibutyag niini nga nagpadayon usab ang ilang Operation Summer Vacation kon OPLAN SUMVAC 2018.

Gawas niini, mabusy na usab sila sa pagtabang sa himoon nga brigada skwela sa mga tulunghaan.

Ila usab nga gipangandaman ang pagbukas sa klase karong bulan sa Hunyo.

Una nang gibutyag sa PNP Bukidnon nga walay natalang election related violence atol sa pagpahigayon sa bag-ohay lang nga piniliay.

Hinoon, adunay na 11 ang nakasupak sa gun ban, usa ang nadakpan tungod sa liquor ban samtang adunay usa ka kaso sa vote buying usab ang natala.

Facebook Comments