Briton nagreklamo matapos gintayaan gunting sang Pinay nga kalive-in, ginpahog pa nga patyon

BACOLOD CITY – Isa ka British National ang nagpadulong sa istasyon sang pulis agud i-reklamo sang “threat” ang iya live-in partner nga Pinay kagab-i sa Brgy. Taculing, Bacolod City.

Nakilala ang complainant nga si Andrew Marley, 52 anyos, single kag temporaryo nga naga-arkila sang balay sa Basil St., St. Lucia Gardens, Brgy. Taculing, ciudad sang Bacolod.

Samtang ang iya naman gina-reklamo nga live-in amo si Anna Mae Baja, legal ang edad, residente man sang amo nga lugar.


Suno kay Marley nga sa tunga-tunga sang las 8 tubtub las 9 kagab-i sa ila nga balay, nag-away sila sang iya ka live-in kag nakibot na lamang ini sang nagkuha sang gunting ang babayi kag gintaya sa iya.

Pahayag sang British National nga ginhambalan pa siya sang babayi nga “ I can kill you if I want to.”

Bangud sini, ginkulbaan ang complainant gani nagpadulong ini sa Police Station 6 agud magreklamo.

Wala pa nakahatag sang iya reaction ang babaye Pinay sa reklamo tubtob karon./dyHB BACOLOD

Facebook Comments