GENERAL SANTOS CITY- Magpahigayon ang duha hangtud siyam ka oras nga brownout karong adlawng Sabado, Pebrero 17 ug Pebrero 18 sa mga service areas sa Socoteco 2, sa GenSan, Sarangani Province ug parte sa South Cotabato.
Sa Sabado, walo ka oras nga mawad-an og kuryente ang Feeder 11-1 sa Brgy. Pangyan, Brgy. Laguimit, Small Margue, Brgy. Cross, Brgy. Rio del Mar ug Brgy. Batolaki sa Glan, tungod sa pagpuli sa pito ka kahoy nga poste ngadto sa steel post ug installation sa wire.
Sa susamang adlaw, siyam ka oras nga walay kuryente ang Feeder 15-1 sa Brgy. Kablon, Tupi, South Cotabato tungod sa pagpabarog sa poste ug re-conductoring sa linya sa Barangay Kablon.
Sa Sabado usab walo ka oras nga walay kuryene ang Feeder 15-2 sa parte sa Brgy. Palian, Tupi tungod gihapon sa pagpabarog sa poste sa kuryente ug upgrading sa linya gikan sa single phase ngadto sa three phase.
Sa adlawng dominggo, Pebrero 18, apektado ang Feeder 7-3 sa duha ka oras nga brownout tungod sa pagpabarog sa poste ug conductor stringing.
Kini mao ang Pioneer Hybrid, Bibiana Piggery, Prk 3 to Prk 10 sa Brgy. Katangawan, Tinagacan, Marcellin Dangpanan ngadto sa Batomelong, Upper Labay, Malandag, Miasong, Malungon, Banate JP Laurel ug Sitio Nagia sa Alabel.
Unsa man ang imuhang opinyon kabahin niini bestfriend?
For more info’s and updates, like and share our official facebook account www.facebook.com/ifm91.9Gensanofficial/
