Budget alang sa medical assistance sa PCSO Bukidnon, gidugangan

183

Good news!

Dugangan na ang pondo alang sa medical assistance sa Philippine Charity Sweepstakes office kon PCSO dinhi sa Bukidnon.


Sa interview sa RMN ngadto kang Mario Pelisco, ang provincial branch manager sa buhatan gibutyag niini nga ning kasamtangan anaa lamang sa 80,000 pesos ang budget alang sa medical assistance ka adlaw.

Apan matud ni Pelisco nga na-aprubahan ang iyang hangyo kang PCSO General Manager Alexander Balutan nga patas-an kini ngadto sa 150,000.

Natunong usab daw nga nibisita si Balutan sa satellite office sa PCSO sa probinsya ning nakalabay nga bulan.

Sa karon, prayoridad sa buhatan ang dialysis patient nga muabot ug 300 ka pasyente.




Sigun ni Pelisco nga oras nga hingpit nang madugangan unsa mang adlawa gikan karon, posibleng makahatag na sila ug ubang hangyo susama sa mga na-hospital, laboratory procedure ug uban pa.

Problema usab daw nila nga adunay pipila ka tambal nga gikinahanglan nga atoa lang sa Cebu mapalit.

Maong gisugyot niya nga mo-derectcho na lamang sa Cagayan de Oro aron didto mo-proseso.

Facebook Comments