Buhangin shooting: 3 patay, 3 kritikal

52

Davao City – Arestado ang usa ka senior citizen human namusil og usa ka pamilyahan lakip napusilan ang mismong anak niini nga deklaradong dead on arrival.

Nahitabo ang insidente bandang alas 9:45 sa buntag kagahapon (May 31, 2020) sa Purok Waling-waling, Mansanitas drive, Buhangin, Davao City.


Sa report sa Buhangin PNP, giila ang biktima nga usa ka Rolando Rebullos Salazar, 66 years old samtang ang napusilan-patay nga anak niini mao si Roland Resureccion Salazar, 41 years old nga igo lang matud pa mupugong sa iyang amahan apan matud sa suspek, wala niya nabantayan nga iyang anak kadto diin karon dakong pagmahay ang iyang gibati.

Giila usab ang mga biktima nga daling gidala sa Southern Philippines Medical Center (SPMC) nga sila Zusima Yap Navarro, 62 years old, Ryan Yap Navarro, 39 years old, Jeselle Cobaror Navarro, 35 years old, Rafael Yap Navarro, 33 years old, Rusty Yap Navarro, 35 years old apan nakabsan sa kinabuhi sila Ryan ug Jessell.

Matud sa suspek, sobra usa ka bulan na nga dili siya katulog ug nakaplano na nga muabot sa panahon ang maong nahitabo gumikan sa personal nga bangi tali sa iyaha ug sa mga pamilyang biktima diin nakasinati matud pa siya og pagpang-bully sa maong pamilya ug nasamutan tungod sa away sa septic tank.

Sumala ni Police Major Estrello B. Ramiso, station commander sa PS5-Buhangin, una nahitabo ang insidente, nakatakda unta ugmang adlawa nga magtagbo ang duha ka partido sa Lupong Tagapamayapa aron husayon ang ilang bangi.

Balhug na karon sa prisuhan ang dinakpan ug mag atubang og kasong murder ug frustrated murder.




RadyoMaN Renz Barbarona

Facebook Comments