BUHATAN SA AGRIKULTURA MIHIMO UG EVALUATION SA MGA MAG-UUMA UG KOOPERATIBA SA DAPITAN

Mihimo karon ug evaluation sugod niadtong Oktubre 9 hangtud 13 ning tuiga ang representante gikan sa Office of the Undersecretary for Special Concerns sa Department of Agriculture ug Bureau of Agricultural Research ngadto na sa mga kooperatiba ug mag-uuma sa dakbayan sa Dapitan.

Tutukan karon sa DA-CDA team nga gipanguluhan ni Mr. Gerard Aranas, Agriculturist II sa DA Central Office ang paghimo ug assessment sa Baylimango Mangroove Planters Primary Multi-Purpose Cooperative nga lakip sa listahan sa maong buhatan nga hatagan ug validation kung angayan ba kini nga hatagan ug ayuda sa nasyonal nga pangagamhanan.

Kini magabase usab kung unsa kalig-on ang kahugpuan lakip na sa ilang dakong interest nga mapalambo pa ang ilang asosasyon.


Sa kabahin usab ni Ms. Apolonia Mendoza ang Project Evaluation Officer IV sa Bureau of Agricultural Research nga dako ang tsansa karon sa Dapitan nga mahimo kining magmalampuson sa ilang mga damgo nga mapalambo ang dagan sa panginabuian sa katawhan tungod kay ilang nakita ang kakugi karon sa tulo ka mga farmers association nga gilangkuban sa Aseniero, Masidlakon ug Sigayan nga nagtutok karon sa cassava, corn ug adlai production.

Niini, naglaum karon si Mayor Rosalina Jalosjos, City Agriculturist Cyril Patangan ug Senior Agriculturist Susan Empeynado nga magmalampuson ang Dapitan sa gihimong ebalwasyon aron modaog sa national level nga kompetisyon ug makadawat sa mga minilyon nga mga proyekto nga alang sa mga mag-uuma.

Kahibaloan nga bag-uhay pa lamang nakadawat na ug bag-ong traktura ang Masidlakon nga nagkantidad ug 2.3 million pesos gikan sa DA tungod kay ang mga miembro niini mipakita ug kakugi aron mulambo ang ilang asosasyon.

Sugod ugmang adlawa, mobisita na ang tibuok team sa Aseniero, Masidlakon ug Sigayan aron pormal na nga sugdan ang ilang ebalwasyon.| Mardy Libres

Facebook Comments