Buhatan sa ALAMCOO gironda sa NBI

General Santos City–Gisulod sa mga personahe sa National Bureau Of Investigation kon NBI ang main office sa ALAMCCO sa prk. Malakas Brgy. Poblacion, Alabel Sarangani Province ala 1:00 pasado ang takna sa hapon pinasikad sa usa ka search warrant nga gipakanaog sa sala ni hon. Judge Marivic Umali sa RTC Branch-20 Manila City tungod sa pagsupak sa RA 8799 kon Securities Regulation Code.

Sumala pa ni Atty. Umar Genita ang Legal Council sa Alamcco nga unod sa maong Search Warrant mao ang pagpangita ug mga ebidensya nga nagatudlo sa ALAMCCO nga nagadawat ug investment nga sama sa ponzi scheme.

Apan napakita matud pa sa ilahang opisina ang tanang gikinahanglan sama sa business permit, BIR, SSS ug nagtuo si Atty. Genita nga nahatag nila sa NBI ang ilahang angayan nga makit-an nga mga dokumento.


Dugang pa ni atty. Genita nga wala man usay secondary permit ang ALAMCCO tungod kay usa sila ka kooperatiba ug ilalom sila sa hurisdiksyon sa CDA kon Cooperative Development Authority.

Samtang nanawagan kini sa tanang myembro sa ALAMCCO ang dili na angayan nga mabalaka tungod kay kompleto ug dukomento ang ilahang kooperatiba ug kanunay nga anaa kini aron sa pag tubag sa mga pangutana sa mga myembro.(Dave Silagan)

Facebook Comments