Bukidnon aduna nay 18 ka mga TESDA training centers

68

Anaa na sa 18 o halos kada lungsod sa probinsya sa Bukidnon ang aduna nay mga Techinical Education and Skills Development Authority kon TESDA training centers.

Ang mao mga TESDA Training Centers muhatag sa publiko ug sayon nga access sa technical education ug skills development program ug maghatag ug oportunidad sa edukasyon paduol sa katawhan.


Nasayran ang edukasyon maoy usa sa gituhuan nga mabatukan ang kakabus.

Matud ni Senate Majority Floor Leader Senador Juan Miguel Zubiri nga tungod sa kadaghang TESDA Training center sa Bukidnon, nahimo ang probinsya isip pinaka-unang ug nag-inusarang tech-voc province sa nasud.

Sa 2017, nakatukod ang TESDA Training Centers sa siyudad sa Malaybalay, mga lungsod San Fernando, Kitaotao, Kibawe, Quezon, Maramag, Talakag ug Malitbog.

Dugang training centers nga gipondohan kaniadtong 2018 sa Baungon, Sumilao, Impasug-ong, Cabanglasan, Lantapan, Damulog ug Kalilangan.

Samtang adunay duha ka training center usab ang Kadingilan ug Dangcagan nga ilawom sa 2019 budget.




Nasayran nga ang kantidad sa pagtukod sa maong mga building anaa sa 46.5 milyon, 36 milyon alang sa equipments ug 5 milyon sa scholarship, 1.4 milyon alang sa TESDA trainers ug sa kinatibuk-an, mukabat ngadto sa 88.9 milyon ang nagasto sa maong mga 18 ka centers.

Facebook Comments