Bukidnon Alert Level 2 na sugod karong adlawa

23

Miubos na sa Alert Level 2 status batok sa sakit nga Covid-19 ang probinsya sa Bukidnon sugod karong adlawa.

Kini basi sa kinaulahing alert level classification nga gipagawas sa National Inter-Agency Task Force (IATF) adtong milabayng adlaw hangtud sa katapusan ning bulan.

Kauban sa Bukidnon, nahilakip sa alert level 2 status ang mga kasigpit nga probinsya sa Misamis Oriental, Lanao Del Norte, Misamis Occidental, Camiguin, Daval Del Norte ug uban pa.


Ilawom sa maong alert level status, gitugutan na ang mga indoor ug outdoor activities, tanang mga contact sports, pag-abli sa mga establisyemento ngadto sa mga bakunadong indibidwal.

Bisan paman sa pag-ubos sa alert level sa probinsya sa Bukidnon, hugot gihapon nga gipahimangnuan sa Provincial IATF ang kadaghanan nga magpabilin sa pagsunod sa minimum public health standards aron hingpit nga mahilikay sa sakit nga Covid-19.

Facebook Comments