Bukidnon, prayoridad sa civil registry system sigun sa PSA

25

Gipahayag sa Philippine Statistics Authority kon PSA – Bukidnon nga prayoridad ang probinsya nga makabaton ug civil registry system kon CSR nga susama sa Cagayan de Oro City.

Ang mao nga kalambuan tungod kay hangtod karon dili pa gihapon mamahimong makakuha sa ilang authenticate birth certificate, marriage contract, CENOMAR ug uban pa ang mga taga Bukidnon sa buhatan sa PSA sa probinsya nga dugay nang gireklamo sa kadaghanan tungod kay kinahanglan pa nga muadto sa dakbayan sa Cagayan de Oro.

Sa interview sa RMN Malaybalay ngadto kang PSA Bukidnon Statistician Engr. Rene Lauro gibutyag niini nga prayoridad ang Bukidnon nga makabaton sa CSR.

Matud ni Lauro nga posibleng sa sunod tuig makabaton na ang lalawigan sa mao nga sistema.

Aminado usab si Engr. Lauro nga gikinahanglan na kaayo sa mga taga Bukidnon ang pagbaton sa CSR aron dili na kinahanglan pa nga muadto sa siyudad sa Cagayan de Oro para mulukat ug authenticate birth certificate ug uban pa.

Naningkamot usab siya nga unta mahatagan sila ug luna sa Provincial Government of Bukidnon o kaha sa City Government of Malaybalay aron katukuran sa ilang opisina.

Facebook Comments