BUKSU, CMU ug PBCC, apil sa mga tulunghaan sa Bukidnon nga makapahimulos sa free tuition

44

Mapahimuslan na sa mga estudyante ang libreng edukasyon sa kolehiyo subay kini sa RA 10931 o Universal Access to Quality Higher Education Act.

Sa interview sa RMN Malaybalay ngadto kang Senator Sonny Angara, ang senate chairman sa committee on local government gibutyag niini nga tungod kay sa nakalabay nga tuig pa kini nahimong balaud, angayan sugdan na sa pagpatuman sa maong balaod karong academic year 2018-2019.

Gihatagan ug dakong importansiya ni Angara ang papel sa edukasyon sa kinabuhi sa usa ka tawo.

Sa ilawom sa balaod, libre na ang tuition ug miscellaneous fees sa mga mag-tutungha sa mga State Universities and Colleges (SUCs), ingon man sa mga Local Universities and Colleges (LUCs).

Sakop usab sa balaod ang libreng matrikula sa mga mag-tutungha sa technical-vocational institutions (TVIS).

Nasayran nga gi-anunsyo sa Commission on Higher Education (CHEd) sa Free Tuition Law ang mga SUC’s ug LUC’s diin sa Bukidnon naglangkob kini sa Pangantucan Bukidnon Community College, ug ang Bukidnon State University kon BUKSU ug Central Mindanao University kon CMU.

Facebook Comments