Bulaong Terminal wala pay nadawat nga mando sa pagpatuman sa pag sul-ob ug face shield sa mga pampublikong sakyanan

21

General Santos City–Dili pa maporsige sa pagpa implementar ang Bulaong terminal sa pagpasul-ob og face shield sa mga pasaherong musakay og bus og van karong adlawa mintras wala pay madawat nga kamandoan ang Bulaong Terminal Administration.

Una nang gibutyag ni Terminal Administrator Jong Facurib nga hangtud kagahapong adlawa, atul sa interview sa RMN Gensan, wala pa silay nadawat nga mando gikan sa local nga kagamhanan.
Gumikan niini dili pa mapugos ni Facurib sa pagtuman niini ang mga pasahero.
Gibutyag ni Jong Facurib nga sa pagka-karon kutob pa lang gihapon sila sa pagpatuman sa pagsul-ob og facemask, paggamit og thermal scanner, foot bath og pagpahugas og kamot ayha musaka sa bus.


Hinuon andam na matud pa sila sa pagpatuman sa mandatory face shield sa higayon nga ila na nga madawat ang pormal nga kamandoan.

Kalabot niini, giawhag nang daan ni Terminal Administrator Jong Facurib ang mga sumasakay sa mga PUV nga mamalit nang daan og face shield.

Kini aron mahimong andam ang publiko sa higayon nga duna nay klarong mando ang makaabot kaniya sa unsa mang orasa.
Nanganti si Facurib nga dili gyud mahimong pasakyon ang dili magsul-ob niini higayon nga anaa na sa iyang mga kamot ang order gikan sa LGU.

Samtang ang bus driver nga si Alex Jabilona, daan na nga naga sul-ob og face shield bisan pa man nga wala pa ang petsa 15 sa bulan sa Agosto nga maoy gikatakdang adlaw sa implementasyon sa pagsul-ob og face shield.
Sumala ni Alex nga iya lang giandam ang iyang kaugalingon alang sa adlaw sa pagpatuman niini, samtang gimandoan na usab silang daan sa ilang kompanya.




Aminado si Alex nga medyo malisdan siya nga magmaneho kung naka face shield apan tungod kay mao may protocol nga ipatuman sa gobyerno, andam syang mutuman niini.(JB)

Facebook Comments