*“BULIGAY SA i”*
*(Ang Pag-ulikid sang mga OFW sa mga Pigado)*
Oktubre 5, 2017
By: RadyoMaN DJ Don Kamote
Indi hamak ang kabudlay nga gina antus kag gina pangatubang sang aton mga kauturan nga OFW sa nagkalin-lain nga pungsod sang kalibutan, lamang makapangita sang kwarta para mapadala kag magamit sang ila pamilya diri sa Pilipinas. Sa masami, gina sakripisyo ang ila personal nga kalipay kag mga kagustuhanan para ma suportahan lang ang kinahanglanon sang ila pamilya.
Pero ang pamangkot? Paano na lang iya ang mga kauturan naton nga wala sang himata nga naga obra sa luwas sang pungsod para mag suporta sa ila pisikal kag materyal nga kinahanglanon? Paano na lang sila nga mga kubos nga wala sang naga ulikid? Nga bisan gani ang proyekto sang gobyerno para sa ila, ginapadilap lang sila kag ginakawat pa!
Sa handum nga mapabatyag sa aton kasilingan nga mga kubos ang kahimtangan sa sosyedad ang espiritu sang Paskwa, ang 95.1 iFM FANS CLUB – OFW CHAPTER nag kasugot sa pagpatigayon sang isa ka facebook promo nga may tigulo: “BULIGAY SA i” (Ang pag-ulikid sang mga OFW para sa mga Pigado).
Kita nga medyo bastante ang kahimtangan, may responsibilidad nga buligan ang kubos sa mga kubos naton nga mga kasilingan. Gani, para nga sila ang makabaton sang grasya, tultulon naton sila isa-asa. Gamit ang inyo celfone, litratohi lamang sila kag ina nga litrato (picture), paagi sa internet, ang inyo nga i-post sa fb fanpage sang 95.1 iFM nga amo ang: “ifmiloiloofficial” para maka kuha sang pinaka madamo nga mga “LIKES” halin sa aton facebook friends.
Sugod Oktubre 1 hasta Oktubre 15, 2017 maga deklarar kita sang duha (2) ka mga tagdaug.
Ang litrato (picture) nga maka kuha sang may pinaka madamo nga “LIKES” makabaton sang papremyo nga tunga (1/2) sa sako nga bugas kag P500.00 nga cash! Ang ikaduha (2nd) nga litrato (picture) ang makabaton naman sang P500.00 cash kag dugang nga “Grocery Packs.”
Magapadayon ang aton pag panghatag sang mga papremyo sa “BULIGAY SA i” promo sa ika-16 tubtob petsa 31 naman sa sining bulan sang Oktubre, amo man sa bulan sang Nobyembre kag Disyembre 2017.
Paagi sining simple, pero sinsero nga pag-ulikid kag pag-bulig sa mga kauturan naton nga pigado sa mga pigado, Kabay matandug man kamo kag magresponde sa ila kinahanglanon. Pananglitan magdugang pa kita sang isa (1) ka sako nga uling bilang papremyo, ang hambal ni DJ BRAD PONKAN – “Gamay nga bagay, pero iyawan ka man lukdo!”
