BUNGGU-ANAY | Tatlo ka salakyan, nagbunggu-anay sa banwa sang Tigbauan, mga pasahero, pilason.

Tatlo ka mga salakyan ang nagbunggu-anay sa barangay Atabayan, Tigbauan, Iloilo mga alas 6:25 kagab-i (Nob. 19)
Ini ginalakipan sang isa ka depasahero nga jeep nga nagabiyahe Miag-ao- Iloilo vice versa nga may 18 ka pasahero kag ginamaneho ni Lito Benedicto, 40 anyos sang Sta. Felomina, Arevalo; isa ka KIA carnival nga may 9 ka sakay kag ginamaneho ni Joven Terco, 27 anyos sang South Poblacion, Oton kag isa ka motorsiklo nga ginamaneho ni Mark Ganava sang barangay Tanpael, Tigbauan.

Sa imbestigasyon sang Tigbauan PNP nagapakita nga nagabiyahe padulong sa siyudad sang Iloilo ang Miag-ao nga jeep sang ginbungguan ini sang nag-overtake nga KIA carnival nga nagresulta man sang pagbunggo sang motorisklo nga nagasunod diri.
Bangud sa impact sang pagbunggo, nakaangkon sang pilas sa ulo ang mag-asawa nga Mateo kag Sharon Gelera nga pasahero sang jeep samtang nakaagum naman sang minor nga kapilasan kag pagpalanakit sang lawas ang iban pa nga mga pasahero.
May mga pilason man sa pasahero sang KIA carnival nga ginpangdala sa ospital para sa nagakaigo nga pagbulong.

Facebook Comments