Bus giawhag sundon ang point to point sa pagpasakay og pasahero

87
Davao City – Giabisuhan sa Davao City Overland Transport Terminal (DCOTT) ang tanang mga bus nga hugot tumanon ang mga point-to point nga pagpasakay ug pagpakanaog sa mga pasahero.

Sa interbyu sa DXDC RMN Davao kang Aiza Usop, DCOTT Manager nagpakanaog kini’g advisory sa tanang drivers ug konduktor nga magpatuman usab og hugot nga seguridad sa ilang mga bus batok terroristic attack human sa nahitabong pagpamomba sa Aleosan, North Cotabato nga nikutlo’g kinabuhi sa usa ka 5-month old baby ug angol ang laing 6 pa ka mga indibidwal.

Sumala ni Usop, mas labing maayo nga sundon sa mga bus drivers ang point to point ug magdoble igmat sa pagpasakay og mga pasahero ilabina sa mga highways.
Naka-red alert ang DCOTT ug mas giintensify pa nila kauban ang mga security forces diha sa pagcheck sa mga bagahe ug pasaherong mosulod sa terminal.

Segun ni Usop, pasado alas 2:00 sa kadlawon nigikan ang Mindanao Star bus sa DCOTT sakay ang tulo lamang ka pasahero. Giklaro niini nga wala naggikan ang dautang elemento o nanukad sa Davao tungod daghan na’g giagiang highways ug terminals ang maong bus.

Sa inisyal nga inbestigasyon sa Police Regional Office 12, usa ka unidentified suspect nga nagdala’g bagahe og gibutang ang Improvised Explosive Device (IED) nga nisakay sa may Kabacan, Cotabato Province ug nikanaog nga gibilin ang iyang bagahe pag-abot sa Pikit, Cotabato Province.

RadyoMaN Aimee Guinita

Facebook Comments