Bus units giandam alang sa stranded sa curfew

Davao City – Nangandam ang City Transport and Traffic Management Office (CTTMO) sa posibleng mga maapektohang Davaoeños sa ipatumang 7pm-5am curfew sa dakbayan sa Davao.

Gibutyag ni CTTMO Chief Dionisio Abude atol sa interview sa DXDC RMN Davao, nakig-alayon na sila sa LTFRB alang sa mga gikinahanglang bus kung adunay mga stranded nga trabahante.

“Gi-encourage nato nga mubyahe (PUJ drivers) aron ang mga empleyado naa gihapoy masakyan,” sumala ni Abude.


Hugot nga magmonitor ang CTTMO sa mga kadalanan aron makadeploy gilayon og mga sakyanan kung gikinahanglan.

“Kana ang LTFRB maoy makahatag sa saktong impormasyon, sila man dunay contact sa mga bus company. Ang ato diha motabang nga hapsay ang pagdeploy sa mga bus,” dugang ni Abude.

RadyoMan Aimee Guinita

Facebook Comments