BUSECO, FIBECO, NGCP ug BSTC, gipatawag sa Sangguniang Panlalawigan

40

Gipatawag sa hawanan sa Sangguniang Panlalawigan ang mga kadagkuan sa Bukidnon Second Electric Cooperative o BUSECO, First Bukidnon Electric Cooperative of FIBECO, National Grid Corporation of the Philippines kon NGCP ug Bukidnon Sub-Transmission Corporation o BSTC.

Sa gipahigayong question hour sa maong session, gipangutana sa mga board members kung unsa ang mga nag-unang hinungdan kung ngano nga adunay sige gakahitabo nga brownout sa atong probinsya.

Gibutyag ni Voltare Ramos sa NGCP nga usa sa mga hinungdan nganong gakawala ang kuryente gumikan sa mga sanga sa kahoy nga maigo ang mga linya sa kuryente, kakulangon sa suplay, adunay kadaut sa linya o maigo sa kilat.

Gipresenta usab sa BSTC ang ilang papel diha sa BUSECO ug FIBECO diin matud pa ni Mr. Romnick Marcella nga ang BSTC mao ang ga-maintain, ga-operate ug gapalapad sa Kibawe-Maramag, Tagoloan-Natuboran BUSECO ug Maramag-Pulangui 69KV line transmission facilities.

Matud pa sa duha ka electric companies nga kung adunay mga unscheduled brownout sa mga munisipyo ug syudad, dritso kini nilang aksyonan pinaagi sa ilang mga electrician ug lineman ug ila usab kining ipahibalo pinaagi sa facebook account ug pagtubag sa mga hotlines.

Dugang usab niini, gibutyag ni Ramos nga ang FIBECO, BUSECO, BSTC ug NGCP nagtinabangay aron mahatag sa katawhan ang hustong serbisyo ilabi na sa kuryente.

Facebook Comments