Business community nalipay nga indi suportado sang NIATF ang appeal nga ibalik sa ECQ ang Bacolod

21

Ginakalipay sang business community sa Bacolod nga indi suportado ni Presidential Peace Adviser Carlito Galvez, chief implementor sang National Inter Agency Task Force against COVID-19 ang panawagan sang mga doktor sa Bacolod nga liwat ipatuman ang Enhanced Community Quarantine (ECQ) bangud sang nagasaka nga local case sang coronavirus disease sa syudad.


Sa interview sang DYHB kay Frank Carbon, chief executive officer sang Metro Bacolod Chamber of Commerce and Industry (MBCCI) nagakalipay siya nga pareho sa ila ang posisyon ni Galvez. Suno kay Carbon, importante nga balansehon ang ikaayong lawas kag ekonomiya bangud dako na ang epekto sang coronavirus sa panagbuhian sang mga Pilipino.

Santo sa survey suno kay Carbon, halos katunga na sang mga negosyo sa pungsod ang nagsirado temporaryo kag ang katunga nga bukas ang naga-operate man sa katunga sang ila kapasidad. Kalabanan pa sang mga nagsirado nga negosyo amo ang makabig nga micro kag small businesses sa diin kapin sa 60-70 porsyento sang labor force diri nagatrabaho.

Una na nga ginpahayag ni Galvez nga kun liwat ipaidalum sa ECQ ang syudad, dako nga maapektuhan ang socio-economic kag ang ekonomiya sang Bacolod. Suno kay Galvez, mahimo gid lamang nga ipatuman ang ‘surgical ECQ’ sa mga lugar nga may madamo sang kaso sang covid-19 kag indi sa bilog nga syudad ukon banwa base sa rekomendasyon sang World Health Organization (WHO).

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments