Butuan ASF free sigun sa mga opisyal

Alang sa mga kusug mohab-hab ug karning baboy, walay angay kabalak-an ang sakit nga African Swine Fever (ASF) nga mitakboy niini nga mananap sanglit gideklarang luwas niini ang dakbayan sa Butuan ug tibook rehiyon sa Caraga.
Gipagawas ang kompirmasyon atol sa gihimung Meeting sa Butuan City African Swine Fever Task Force diha sa City Hall sa pagpanguna ni City Administrator Reynante Desiata.
Ang pag-convene sa Butuan City African Swine Fever (ASF) Task Force gihimu aron hisgutan ang pagpangandam ug paglatag sa contingency plan sa batok sa ASF pinasikad sa Executive Order No. 008 ni Mayor Ronnievic Lagnada Ang ASF City Preparedness and Contingency Plan gilangkuban sa: estriktong pagpatuman sa veterinary quarantine procedures; regular nga field surveillance ug movement control; participatory inter-LGU and inter-agency collaboration; animal disease and policy updating; ug information, education, and communication campaign.
Subay niini usab nagpagawas ug Executive Order No. 009 si Mayor Lagnada nga nagmando sa City African Swine Fever Task Force (ASF-TF) ug sa kabarangayan diha sa estriktong pagpatuman sa regulasyon kabahin sa quarantine lakip anh temporaryong pag-ban sa pagsulod sa buhing baboy, karning baboy ug pork meat products gikan sa Luzon ug ubang lugar nga apektado sa ASF (with reports ivy falcone/archer capadeso).
photo from google [image: asf 2.jpg]

Facebook Comments